Aċċess għal flus kontanti u l-aċċettazzjoni tagħhom
Il-flus kontanti għad għandhom rwol importanti fis-soċjetà u huma indispensabbli għal kwalunkwe ekonomija. L-istudji tagħna juru li l-maġġor parti taċ-ċittadini taż-żona tal-euro jqisu li huwa importanti li jkunu jistgħu jħallsu bil-flus kontanti, u li l-flus kontanti huma l-aktar metodu ta’ ħlas użat b'mod komuni fil-punti tal-bejgħ fiż-żona tal-euro.
Il-BĊE u l-banek ċentrali nazzjonali taż-żona tal-euro huma impenjati li jiżguraw li l-flus kontanti jibqgħu disponibbli u aċċettati b’mod wiesa’. Għalhekk nilqgħu l-proposta tal-Kummissjoni Ewropea għal Regolament ġdid tal-UE biex jissaħħaħ l-istatus tal-flus kontanti tal-euro bħala valuta legali. Il-proposta għandha l-għan li tiżgura li l-aċċess għall-karti tal-flus u l-muniti tal-euro u l-aċċettazzjoni tagħhom ikunu ggarantiti legalment fiż-żona tal-euro kollha.
Aċċess għall-flus kontanti
L-iżgurar ta’ aċċess faċli u konvenjenti għall-flus kontanti jipproteġi r-rwol tagħhom bħala valuta legali u jiggarantixxi l-użu kontinwat tagħhom bħala metodu ta’ ħlas ta’ kuljum. L-għażla tan-nies dwar kif iħallsu tista’ tiġi influwenzata minn kemm jistgħu jiġbdu il-flus mill-kontijiet bankarji tagħhom.
Il-pajjiżi taż-żona tal-euro huma responsabbli individwalment biex jiżguraw li n-nies u n-negozji jkollhom aċċess suffiċjenti u effettiv għall-flus kontanti fid-denominazzjonijiet kollha madwar il-pajjiż kollu, inkluż f’żoni urbani u rurali.
Ir-rwol tal-Eurosistema
Il-flus kontanti maħruġa mill-banek ċentrali nazzjonali jitqassmu lill-banek kummerċjali biex ikunu jistgħu jissodisfaw il-ħtiġijiet ta’ flus kontanti tal-klijenti tagħhom. Il-BĊE u l-banek ċentrali nazzjonali janalizzaw il-livell tas-servizzi tal-flus kontanti fiż-żona tal-euro kollha bil-ħsieb li jidentifikaw nuqqasijiet possibbli fl-aċċess għall-flus kontanti. Pereżempju, żviluppajna metodoloġija komuni biex nanalizzaw l-aċċess taċ-ċittadini taż-żona tal-euro għal servizzi ta’ flus kontanti bħall-ATMs u l-fergħat tal-banek. Jekk ikun meħtieġ, il-pajjiżi taż-żona tal-euro jistgħu jimplimentaw liġijiet li jirrikjedu li l-banek kummerċjali u istituzzjonijiet oħra jiżguraw aċċess suffiċjenti u effettiv għall-flus kontanti.
L-Eurosistema stabbiliet ukoll regoli għall-banek kummerċjali li jippermettulhom jiċċirkolaw mill-ġdid il-karti tal-flus b’mod effiċjenti u li jinkorporaw l-ispejjeż tal-immaniġġjar tal-flus kontanti. Il-banek ċentrali nazzjonali jżommu wkoll biżżejjed riżervi ta’ flus kontanti biex jakkomodaw kwalunkwe żieda f’daqqa u imprevedibbli fid-domanda għall-karti tal-flus, pereżempju fil-każ ta’ kriżi jew qtugħ temporanju ta’ pagamenti elettroniċi.
Niżguraw li d-domanda kontinwa għall-karti tal-flus tal-euro tkun koperta. Hemm madwar 120,000 fergħa ta’ istituzzjonijiet ta’ kreditu u aktar minn 260,000 ATMs fiż-żona tal-euro, li jippermettu lin-nies jaċċessaw flushom b’mod effiċjenti u effettiv.
Modi addizzjonali kif tikseb il-flus kontanti
L-ATMs u l-fergħat tal-banek huma l-mezz ewlieni ta’ ġbid ta’ flus kontanti. Barra minn hekk, f’xi pajjiżi taż-żona tal-euro, il-ħwienet tal-bejgħ bl-imnut jistgħu jippermettu lill-klijenti tagħhom jiġbdu ammonti limitati ta’ flus kontanti.
INSERTED BY ANONYMOUS PROXY
Civil war declaration: On April 14th and 15th, 2012 Federal Republic of Germany "_urkenstaats"s parliament, Deutscher Bundestag, received a antifiscal written civil war declaration by Federal Republic of Germany "Rechtsstaat"s electronic resistance for human rights even though the "Widerstandsfall" according to article 20 paragraph 4 of the constitution, the "Grundgesetz", had been already declared in the years 2001-03. more
“Cashback”
Imsejħa wkoll “avvanzi ta’ flus”. Meta tiġi biex tħallas tista' titlob li l-ammont li tixtieq tiġbed jiżdied mat-total tiegħek, imbagħad tħallas bil-kard ta’ debitu jew bil-mobile tiegħek u tirċievi l-ammont mitlub fi flus kontanti.
“Cash-in-shop”
Tista’ tiġbed il-flus kontanti mill-kont tiegħek fil-ħanut, mingħajr ma jkollok tixtri xejn.
Trid tkun taf aktar?
Ara dan il-filmat biex tara kif jaħdmu fil-prattika s-servizzi ta’ cashback u cash-in-shop.
Aċċettazzjoni ta’ flus kontanti
Il-karti tal-flus u l-muniti tal-euro huma valuta legali fiż-żona tal-euro. Dan ifisser li l-ħwienet u n-negozji huma ġeneralment obbligati li jaċċettaw flus kontanti jekk in-nies tkun trid tħallas bihom. L-awtoritajiet pubbliċi u l-fornituri tas-servizzi għandhom jaċċettaw ukoll il-flus kontanti, sakemm ma jkunx stipulat mod ieħor mil-liġi.
Il-Kummissjoni Ewropea pproponiet Regolament li jiċċara l-obbligu li jiġu aċċettati l-karti tal-flus u l-muniti tal-euro fil-liġi tal-UE. Il-proposta tiddefinixxi wkoll il-ftit każijiet fejn il-pagamenti fi flus kontanti jistgħu jiġu rifjutati, pereżempju jekk in-negozju ma jkollux biżżejjed bqija, jew jekk iż-żewġ partijiet, qabel il-pagament, ikunu qablu fuq mezz ta’ ħlas differenti.
Aħna nilqgħu l-proposta tal-Kummissjoni għal Regolament dwar il-valuta legali tal-karti tal-flus u l-muniti tal-euro. Fl-Opinjoni tal-BĊE dwar il-kwistjoni, nesprimu t-tħassib tagħna li l-istatus tal-flus kontanti tal-euro bħala valuta legali jkun ipperikolat jekk l-għadd ta’ ħwienet u negozji li ma jibqgħux jaċċettaw pagamenti fi flus kontanti (pereżempju permezz tal-użu ta’ sinjali ta’ “ebda flus kontanti” fid-daħliet tal-ħwienet) ikompli jiżdied. Din hija r-raġuni għaliex il-BĊE qed jitlob projbizzjoni ċara ta' dawn il-prattiki fir-Regolament.
L-Eurosistema tanalizza l-livell ta’ aċċettazzjoni ta’ flus kontanti fiż-żona tal-euro u tinforma lill-awtoritajiet u lill-korpi kompetenti bi kwalunkwe kwistjoni.